*RMN’s 65th Anniversary*
*MEDICAL MISSION with FEEDING PROGRAM*
@ Luis Mirasol Memorial School
Dungon B, Jaro, Iloilo City
August 28, 2017
By: RadyoMan DJ Don Kamote
Agusto 28, 2017 . . . alas 9:00 sang aga. Gina bulubanta Duwa ka Libo (2,000) ka mga pumuluyo sang Barangay Dungon B, Jaro, Iloilo City kag kaingod pa nga mga kabarangayan ang nagtililipon sa Luis Mirasol Memorial School gymnasium para sila ang maka benepisyo sa isa ka “Medical Mission.” Libre nga kunsultasyon sang ila mga ginabatyag, kag libre pa gid nga mga bulong para sa ila mga masakit.
Gin dugangan pa gid ini sang libre nga “Feeding Program” para sa mga kabataan nga nakitaan sang kakulangan sa nutisyon o sustansya sang pagkaon nga amo ang naga panguna nga kinahanglanon sang ila ikaayong lawas.
Ini tanan ginpatigayon sang libre . . . Sa okasyon sang ika 65 ka tuig nga pagsukat sang Radio Mindanao Network, Inc. – Bilang isa sa pinaka masaligan nga “radio network” sang mga Pilipinhon. Ang iya Duwa (2) ka mga No.1 nga estasyonan sang radio sa Iloilo (suno sa 2017 2nd quarter Nielsen survey): RMN 774 “Kasama Mo!” kag ang 95.1 iFM “Ang Best Friend Mo!” ang nagpatigayon nga mahiwat ining mapuslanon nga mga hilikuton.
Ini, isa lamang ka pag-ulikid kag pag-pasalamat sa padayon nyo nga pag suporta sa amon mga programa, mga ka “Best Friends!” Kag mga “Kasama!”
