10 ka pasahero giquarantine

37

Napu ka pasaherong pinoy nga sakay sa usa ka flight gikan sa Hongkong ug naabot sa Sugbo, maoy labing una nga nakasuway pagpaubos sa 14 ka adlaw nga quarantine.

Tuyo niini nga maobserbahan sila kung wa bay sintoma sa novel coronavirus –acute respiratory disease.


Ang maong mga pinoy sakay sa Cathay Pacific gikan sa Hongkong ug naabot sa Mactan Cebu International Airport alas 11:00 karong buntag,
Pebrero 3.

Gidid-an una sila pagpadool sa nisugat kanila nga mga kaliwat , ug gideretso sila sa giila nga quarantine site nga Eversley Hospital sa Barangay Jagobiao sa dakbayan sa Mandaue.

Matud ni Gobernador Gwendolyn Garcia kabahin kini sa mga lakang aron kapugngan ang pagkuyanap sa NCov.

Facebook Comments