Ipalit nila ug bugas, sud-an, bayad sa utang ug palit tambal. Mao kini ang kasagarang pamahayag sa mga 10 ka mga winners sa RMN 650 sa 65th anniversary.
Gipahayag sa Buena manong winner nga Tito Sanchez residente sa Purok 6 Port Poyohon Butuan City nga siya mapasalamaton sa naangkon nga cash prize.
Sumala pa ni Mr. sanchez, ma naay premyo o wala pabiling siya nga solid RMN gumikan sa kasaligan nga mga balita nga madungog matag adlaw.
Si. Mr. Wilfredo Tingabugab sa susamang barangay, naghinam hinam na sa premyo ug wala makawang ang pag adjust sa volume sa iyang radyo kay naagian kini ni wonder boy ug nahatagan sa premyo.
Sa pikas nga bahin sa barangay leon kilat, duha usab ang mananaug sila mao si Manuel Alen Caballero ug Pablito desay. Gumikan sa ilang pagpaminaw sa mensahe sa Chairman sa RMN Mr. Eric Canoy, didto nila nakuha ang idea kinsa ang mga radyoman.
Si Mrs. Amaparo Wapay, nakatulo usab ang luha human nakadaug ug P 650, kay sumala pa walay pamasahe ang iyang anak niadtong tungura nga mularga pa surigao arun musulodug katabang.
Unang winner usab sa barangay Buhangin nga si Verning Zamora, naka smile usab sa kalipay kay aduna na siyay pangpalit ug bugas, samtang si Oscar plaza usab sa buhangin namahayag nga aduna na siyay pangpalit ug sud an.
Samtang si Honeycel Jane Opire sa barangay Bading, ang sumala pa nangandam na siya’ng daan sa pag agi sa DXBC kay nakasayud sumala pa siya nga moabot ang taga RMN kay gi-announce kini sa programang straight to the point.
Wala usab gitago ni Boy Guibara sa Baan Riverside ang iyang kalipay ug nagpasalamat sa RMN sa pahalipay kay sumala pa sauna pa RMN na naka sampak ang iyang radyo.
Samtang sa barangay Ambago, mapasalamaton usab si Boy Abe Danilo sa premyo kay makatabang kini sa pagpalit ug tambal.
Ang RMN 650 sa 65th anniversary gituyo sa paglusad sa RMN arun pasalamatan ang mga katawhan nga kanunay naga support sa pinakadako ug number 1 radio network sa Pilipinas ang RMN..
