General Santos City–Mokabat sa 111 ka indibidwal samtang 10 ang patay dungan sa gipahigayong mas gipahugtang kampanya batok nagkadaiyang krimen sa SOCCSKSARGEN Region nga gipahigayong kagahapong adlawa, June 8, 2020.
Una nang nagpahigayon ug operasyon ang pwersa sa RID12, RPDEU12, RMFB12, RIU12, CIDG12, GSCPO, SPPO, SCPPO, SKPPO, ug CPPO sa pakig-alayon sa PDEA12.
Ang operasyon gilangkuban ug anti-illegal drug operations, operations against loose Firearms and explosives, operations against wanted persons ug illegal gambling operations.
Gipahigayon kini sa General Santos City, Sarangani, South Cotabato, Sultan Kudarat. Subay sa nahipos nga report sa RMN Gensan News Team, 5 sa 10 ka namatay ang apil sa Inter-Agency Drug Information Database (IDID) ug gikonsiderang High-Value Individuals.
Narecover ang 11 ka managlahing matang sa armas; usa ka Hand Grenade; ug 85 ka Sachets sa gikatahapang Shabu.
āWe have decided to conduct simultaneous police operations to make the lawless elements feel and see that all criminal elements are being targeted in our campaign against criminality, this is to show them that the PNP PRO 12 is not ceasing with its campaign instead we will further intensify our operations,ā matud pa ni PBGEN MICHAEL JOHN F DUBRIA.
Ang mga naaresto ug mga nakumpiskang items anaa nakakustudiya sa nagkadaiyang Police Stations, samtang ang mga patayng lawas sa 10 ka mga suspetsado ang gipahiluna na sa tagsa nila ka pamilya.
