Padayon pa nga giimbistigahan karun sa Buenavista Fire Station ang nahitabong sunog sa usa ka 10-wheeler truck nga nagkarga ug falcata didto sa Purok 6 sakup sa barangay Rizal lungsod sa Buenavista, Agusan del Norte.
Subay sa report mobalor sa kapin P 200,000 ang initial nga damyos sa maong insidente sa pagkasunog.
Naghulat unta kini sa schedule nga mobyahe padulong sa barangay Malpok aron didto idiskarga ang mga mga kahoy’ng falcata kalit lang kini nga mibuto ug didto me ulbo ang kalayo.
Dali nga nanawag ug bombero ang driver apan wala na gyud ma tabang ug gilamoy sa kalayo ang ulo sa maong truck sa makina nga bahin.
Nasayran nga ang maong truck gi panag iyahan kini sa usa ka negosyante nga naila sa pangalan si RUEL ORIHIDEA CIMAFRANCA diin siya ra pud ang driver nga residente sa Prosperidad, Agusan del Sur.
Jeffrey Cloribel/DXBC693
