Sa interview sa DXDC RMN Davao kang PCpl. Michael Soriano, imbestigador sa Bansalan Municipal Police Station, naila ang driver sa sakyanan nga si Rodolfo Alima, 32 anyos, taga Agusan.
Saysay ni Soriano nga gikan Davao City padulong og Kidapawan ang sakyanan nga dunay kargang plywood.
Sa imbestigasyon, milihok ang karga sa sakyanan rason nga mibangga kini sa maong tulay rason sa pagka-damage sa sakyanan ug sa istruktura. Samtang, luwas ra usab ang driver ang ang kaubang helper.
“Ang ingon sa driver, minglihok daw ang plywood tapos ang iyang ligid kulang pud og hangin. Na-out of control, so didto nabangga sa Miral bridge ang sakyanan nga iyang gimaneho,” saysay sa imbestigador.
Matud sa imbestigador nga gitakdang magkita usab ang tag-iya sa sakyanan ug ang Department of Public Works and Highways (DPWH) sa police station alang kasabutan kalabot sa nadamyos nga tulay.
RadyoMaN Kirby Manzon
