100-150 frontline health workers sa SPMC unang bakunahan

28

Davao City- Ciento por ciento nga preparado na ang Southern Philippines Medical Center (SPMC) sa vaccination sa Sinovac COVID-19 vaccine karong Biyernes.

Sa interbyu sa RMN Davao kang SPMC OIC Dr. Ricardo Audan, anaa sa 100-150 ka mga frontline health workers ang nakasalang sa unang batch nga bakuna.


Matud kang Audan, pre-screened ang mga bakunahang health care workers.

Gibutyag ni Audan kinahanglang walay comorbidities o kung aduna man controlled na ang comorbidities sa vaccine recipient.

Matud niini siya mismo ang unang magpabakuna karong Biyernes.

“As the leader of SPMC and to give morale to my co-employees kay daghan pa man gyod agam-agam, daghan pa man gyod duda, and to invite them nga safe and effective ang Sinovac,” sumala niini.



Naka-standby na usab ang team nga mututok inig mahuman ang vaccination ug muresponde kung aduna may adverse reaction sa Sinovac Covid-19 vaccine ngadto sa mga mabakunahan.


RadyoMaN Aimee Guinita

Facebook Comments