Davao City – Siyento porsentong seguridad ipatuman sa kapolisan sa himoong Indak-Indak sa Kadalanan karong adlawa. Kini ang gisulti ni Police Senior Inspector Maria Teresita Gaspan, Davao City Police Office Spokesperson sa Interview sa DXDC RMN Davao ni Kasamang Don Pulayao.
Sumala ni Gaspan, ang mga dalan nga agi-an sa kapin 20 ka mga partisipante dunay nakadeploy nga mga police sa pagseguro sa kahapsay ug kalinaw aron malikayan ang bisan unsang kagubot.
Matud ni Gaspan, gawas sa ilang mga personahe gikan sa DCPO, dunay mga police gikan sa PRO-XI ug mga Police Auxiliary ang gipakatag sa mga lugar diin didto himoon ang mga aktibidades dinhi sa syudad.
Awhag niya sa katawhan nga mag-igmat sa palibot ug gilayong i-report sa kapolisan ang bisan unsang mga kadudahang mga tawo o butang nga makit-an aron mahatagan og aksyon.
Kasamang Bernard Pantallon
