Rerouting sa mga sakyanan ipatuman sa CTTMO

216

Davao City – Kagabii pa wala na paagi-i sa mga sakyanan ang dalan sa Roxas Avenue, CM Recto (Claveria), Bonifacio, Legaspi ug San Pedro tungod kay gamiton kini karong adlawa ug ugma alang sa Indak-Indak sa Kadalanan ug Pamulak sa Kadalanan nunot sa ika-32 nga anibersaryo sa Kadayawan Festival sa syudad sa Davao karong tuiga.

Sumala ni City Transport and Traffic Management Office Chief Dionicio Abude, wala nay mga sakyanan nga gitugotang magparking sa maong mga dalan hangtod dili pa matapos ang aktibidades.

Matud ni Abude, ang mga sakyanan gikan sa Norte nga bahin padulong sa Sur nga bahin mamahimong moagi sa R.Castillo, Cabaguio Avenue, Leon Garcia, Quezon Boulevard lahus sa Quimpo Bolevars padulong sa Matina area. Samtang mga sakyanan gikan sa South nga bahin padulong sa Norte moagi sa Magallanes, Quirino Avenue, lahus sa J.P.Laurel Avenue (Bajada). Kadtong gikan sa Matina nga moagi sa Magallanes modiretso sa Quimpo Boulevard, Quezon Boulevard padulong sa Agdao.


Kasamang Bernard Pantallon

Facebook Comments