100-ka panimay naugdaw sa sunog sa Kamputhaw Cebu City

*Moabot sa 100 – ka mga panimay ang naugdaw sa sunog nga niigo sa Sitio Purok 3 Brgy. Kamputhaw dakbayan sa Sugbo.*
*Matud ni Cebu City Fire Marshall Noel Ababon nga mokabat sa usa ka milyon ka pesos ang danyos sa sunog.*
*Nadawat ang alarma sa sunog alas 10:20 sa buntag ug gipaubos dayon sa second alarm pagka 10:25 tungod sa kadako sa kayo.*
* Apan pagka alas 10:45 sa buntag gisaka na kini ngadto sa Task Force Alpha hinungdan nga nitabang na sa pagrespondi ang mga silingang syudad ug lungsod aron pagpawong sa kayo.*
*Ang sunog nakontrolar pagka alas 11:15 sa buntag, walay natala nga nasamdan atol sa sunog.*

Facebook Comments