General Santos City—mas gipalig-on na sa kapulisan sa Gensan sa pakig-alayon sa Police Regional Office-12 ug Joint Task Force Gensan alayon sa gilaumang pag-abot ni Presidenti Rodrigo Duterte sa Gensan ugmang adlawa alang sa pagtambong sa adlawng natawhan ni Senador Manny Pacman Pacquaio.
Sumala ni Police Chief Supt. Romeo Ruel Berango sa pakighinabi kaniya sa RMN Gensan iyang gibutyag nga nakadawat sila ug impormasyon nga muabot ang pangulo sa nasud ugmang adlawa, apan iyang giklaro nga wala pay kumpermasyon kung muabot ba gyud ang pangulo.
Apan luyo niini gibutyag ni Berango nga magpatuman gihapon sila ug hugtanong seguridad aron andam na silang daan ugaling man nga mahinayon ang pag-abot sa pangulo.
Nasayran nga mukabat sa 1,000 ka mga pulis, samtang aduna usay igong ihap sa mga personahe sa Joint Task Force Gensan ang ipakatag sa kinatigbok-ang syudad ugmang adlawa atol sa adlawng natawhan ni Sen. Pacquaio.
