100,000 ka mga bata nabakunahan sa anti-measles vaccine

44

Davao City – Mokabat sa 100,000 ka mga bata na ang nabakunahan og measles vaccine subay sa gideklarang outbreak niadtong Enero ning tuiga.
Sumala sa outbreak response immunization (ORI) report sa Davao City Health Office, 112, 278 na ka mga bata sa 198,747 eligible recipients ang na-immunized kutob niadtong Pebrero 9.
Doble kayod ang CHO sa paghimo og ORI operations sa tanang barangay sa dakbayan uban ang 100 ka mga personahe gikan sa Department of Health.
Lakip sa gihimong operasyon ang pagtunol og immunization booster sa mga batang nagedad og 6-59 ka bulan ug pagpakusog sa information and education campaign mahitungod sa tipdas.
Subling gipahibalo sa buhatan nga libre kini nga ma-avail sa publiko.
Gipahimangnuan sa health office ang mga establisemento nga kung adunay sintomas sa tipdas ang mga empleyedo inay patrabahuon, paadtuon gayod sa ospital aron matambalan.
RadyoMaN Aimee Guinita

Facebook Comments