Malaybalay City, Bukidnon – Gi-apod-apod sa Provincial Agriculture Office – Bukidnon ang 100,000 ka-planting materials sa rubber ug similya sa kape sa mga munisipalidad ug siyudad sa Bukidnon.
Kini inabagan sa Department of Agriculture- Region 10, Provincial Environment and Natural Resources ug Department of Environment and Natural Resources alang sa National Greening Program.
Unom (6) ka-munisipalidad ang nakaangkon sa 50,000 ka-planting materials sa rubber nga naglangkon sa: Damulog (5,000), Dangcagan (10,000), Kitaotao (10,000), Don Carlos (10,000), Maramag (10,000) ug San Fernando (5,000).
Upat (4) usab ka lungsod ug usa (1) ka syudad ang nakadawat sa 50,000 ka similya sa kape nga gilankuban sa Impasu-ong (10,000), Cabanglasan (17,000), Damulog (10,000), Kalilangan (10,000) ug Malaybalay City (3,000). Nakaangkon usab sa susamang benepisyo ang mga ginatawag na Tri-people sa munisipalidad sa Damulog nga mao ang adunay kaliwat nga Kristyano, Muslim ug Lumad.
Sigun ni Jonathan M. Caser, Agricultural Technologist sa Provincial Agriculture Office nga ang maong programa naghatag ug dakong prioridad sa mga kaigsuonang Lumad ning Probinsya.
Tungod niini, nagpasalamat si Engr. Alson G. Quimba ang Provincial Agriculturist sa suporta na naangkon sa Bukidnon gikan sa Department of Agriculture- Region 10.
