General Santos City—nagpadala ug Chopper ang 1002nd Brigade sa Barangay Upper Suyan, Malapatan, Sarangani Province kansa maoy nagdala ug mga medisina alang sa mga naapektuhan sa Measles Outbreak sa maong lugar.
Nasayran nga sa nakalabayng adlaw, nagpalupad usab ug Chopper ang 1002nd Brigade kansa maoy nagdala sa Medical Team ngadto sa maong lugar human nga nikaylap ang Tipdas nga gikamatay sa kapin 20 ka mga biktima.
Panawagan ni Sarangani Governor Steve Chiongbian Solon ngadto sa mga armadong grupo sa lugar nga dili hilabtan ang Medical Team uban ang kasundaluhan nga nisaka sa bukid gumikan tumong lang sa mga nasangpit ang pag-atiman sa panglawas sa mga residenti human natigayon ang outbreak sa maong balatian.
Nasayran nga hilabihan kalayo ang mga sitio sa lugar diin kinahanglan pang mubaktas ug tig-unom ngadto na sa pito ka oras ayha maabot ang kumunidad sa matag sitio maong nalisdan ang medical team.
Dugang pa ang pelegroso kaayo nga lugar gumikan dunay presensya sa mga armado, maong nagpadala usab ug tropa ang militar aron muprotektar sa seguridad sa medical Team.
