104 ka assorted improvised deadly weapons; cellphones kag iban pa ginturn-over sang mga inmates sang Provincial Jail sa bag-o nga OIC Warden.

19

Boluntaryo nga ginsurender sang mga preso sang South Cotabato Rehabilitation and Detention Center sa bag-o nga OIC Warden ang mga ginadumilian nga butang sa nasambit nga pasilidad.
Suno kay OIC Warden Lory Celeste nga lakip sa ginsurender sang mga inmates ang 104 ka assorted improvised deadly weapons, 34 ka unit sang cellphones, 23 ka baraha, 26 ka cellphone charger kag duha ka headset.
Ginkumpirmar ni Celeste nga wala sang may ginsurender nga illegal drugs ang mga preso sang nasambit nga pasilidad.
May-angot sini, nagalaum si Celeste nga magapadayon ang kooperasyon sang mga inmates sa iya nga pagdumalahan.
Nahibaluan nga epektibo subong nga adlaw si Celeste ang ginbutang nga OIC Warden sang Provincial Jail tal-os kay anay OIC Warden Felicito Gumapac.

Facebook Comments