105 ka bag-o nga kaso sang covid-19 nagdugang sa Western Visayas, 37 dire taga Negros Occidental kag 19 sa Bacolod

14

Nadugangan sang 105 ka bag-o nga kaso sang COVID-19 ang Western Visayas subong nga Martes, Oktubre 13.

Sa karon nagsaka na sa 13,924 ang kabug-usan nga kaso sang COVID-19 sa rehiyon 6. Ini base sa COVID-19 case bulletin 199 nga ginpaguwa sang DOH-6.

May pinakamadamo nga bag-o nga kaso ang nalista sa syudad sang Iloilo nga may 38, ginsundan sang Negros Occidental nga may 37, syudad sang Bacolod nga may 19 probinsya sang Iloilo may 7 kag probinsya sang Capiz nga may 2 ka kaso.

Nag-ayo naman sa balatian ang dugang nga 366 ka pasyente rasun nga naglab-ot na sa 10,045 ang mga naka-recover kag yara na lamang sa 3,177 ang active cases.

Naglab-ot naman sa 336 ang mga napatay sa balatian sa rehiyon 6 matapos may 2 ka pasyente ang ginbawian sang kabuhi.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments