Mga sakay sang sports car nga nagkalamatay matapos nagsuhot sa truck sa dalan Circumferential syudad sang Bacolod lunsay nakainom

51

Nakainom ang tatlo nga sakay sang black Mustang sports car nga nagsuhot sa truck nga may karga nga tubo sa Homesite Circumferential road, Brgy. Villamonte, Bacolod City, pasado ala-una sang kaagahon, Oktubre 13.

Sa interview sang DYHB kay Ronnie Maribuhoc, abyan ni Stanley Flores, driver sang sports car nga napatay, ginpayag sini nga antes pa man ang aksidente, nag-inom ang mga biktima sa restaurant ni Flores malapit sa Bacolod Government Center.

Gintugyanan pa sini si Flores nga indi na pag i-idul-ong sa Brgy, Banago ang duha pa ka napatay nga sanday Wilton Porcel kag John Mark Porcel bangud naka-inom na sila, apang wala ini nagpamati.

Sa una naman nga interview sang DYHB sa security guard nga si Lino Dago, padulong sa Victorias City ang truck kag nagasunod ang sports nga tuman kadasig ang dalagan.

Yara naman karun sa custodial facility sang Police Station 4 ang driver sang truck nga si Michael Mijica sang Brgy. Tabugon syudad sang Kabankalan.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments