Nagalab-ot na sa 108 ka mga healthcare workers sa rehiyon dose ang naigo sang coronavirus disease ukon COVID-19 nga ginalakipan sang mga nurses, doctor, midwives kag medtech base sa datos sang Department of Health Region 12 sang Setyembre 21 subong nga tuig.
Sa nasambit nga datos, suno kay DOH 12 health education and promotion officer Arjohn Gangoso, 78 ang active cases kag 30 naman ang nakarekober na sa nasambit nga balatian.
Apang suno sa iya kadam-an sa mga naigo sang COVID -19 nga mga healthcare workers amo ang mga nurse.
Pahanumdom naman sini sa mga healthcare workers nga kon nagaasikaso sang positibo sa COVID-19 ang hugot gid nga ipatuman ang preventive measures.
Hingyo naman sini sa publiko nga indi i-descrimate ang mga healthcare workers sa rehiyon.
