Gibutyag ni Major Mark Anthony Tito, 10ID Spokesperson, nipahigayon sila og imbestigasyon sa pagdeterminar sa motibo ug pagidentipika sa mga suspek sa krimen.
Sa imbestigasyon sa New Bataan Police Station, samtang nanihapon ang biktima sa balkonahe sa ilahang panimalay sa Purok 6, Brgy. Cabinuangan, New Bataan, Davao de Oro, alas-6 sa gabie niadtong Nobyembre 20,2023 adlawng Lunes, gihunongan kini sa mga suspek nga nakamotor ug gipusil.
Daling misibat ang mga suspek human sa insidente.
Nakahiagom og mga samad pinusilan ang 45 anyos nga biktima sa nagkadaiyang parte sa lawas nga gituohang gikan sa .45 nga pusil base sa narekober nga upat ka mga basyo sa bala sa crime scene.
Gideklara kining patay sa Davao de Oro Provincial Hospital sa Montevista, Davao de Oro.
Walay hulgang nadawat si Toralba una pa man nahitabo ang insidente matud pa sa iyahang live-in partner.
Gipadangat sa 10ID ang ilahang pahisubo ug gipasalig nga mutunol og assistance ngadto sa pamilya sa gipatay nga sundalo.
RadyoMaN Aimee Guinita
