*General Santos City— Aprubado na ang giduso nga resolusyon ni Gensan City Councilor Jeng Gacal nga magtugot kang Gensan City Mayor Ronnel Rivera nga magpagawas ug 10 milyones pesos gikan sa City Disaster Fund nga magamit aron mabatukn ang pagkatag sa Novel Coronavirus sa dakbayan.*
*Posible matud pa nga magdekla ug state of calamity sa syudad aron nga mapagawas ug pondo apan giklaro niya nga ang hinungdan mao ang deklarasyon sa World Health Organization nga Global Health Emergency.*
*Pagpaklaro niya nga dili mamahimo nga maghulat ang lokal nga panggamhanan ug kaso sa novel coronavirus sa gensan ayha kini maghimo ug aksyon.*
*Dugang pamahayag ni Kagawad Gacal nga ang 10milyones ang para sa pasilidad nga himuon para sa isolation room ug kini ang dili lang maglimit sa Novel Coronavirus kundili para sa tanang mga infectious disease.*
*Subay matud pa sa datus gikan sa DOH, aduna nay lima nga gina-imbestigahan sa syudad sa Davao ug tungod anaa lang sa halos 3 ka oras ang distansya sa davao sa Gensan, kinahanglan nga mangandam ang dakbayan.*
*Samtang gibutyag ni Kag. Gacal nga sa iyahang tan-aw, dili gyud andam ang mga doktor sa dakbayan bahin a maong sakit apan iyahang gilauman nga aduna silay mga pagpandandam nga ginahimo.*
