TACLOBAN CITY – Ginpangunahan ni Tacloban City Vice Mayor Jerry “Sambo” Yaokasin an selebrasyon han ika-napulo nga anibersaryo han syudad kumo Highly Urbanized City (HUC), yana nga adlaw.
Gintikangan ini pinaagi han holy mass alas 4:00 han kaagahon ha Sto. Nino Shrine. Ginsundan naman ini han recognition program para han Top 10 Taxpayers, Top 10 Business Establishments han syudad ngan 2018 retirees of the city government alas 9:00 han aga ha Tacloban City Training Center.
Nagkamayada gihapon Bike Fun Ride ngan 2018 Palarong Pambarangay kun diin 138 nga barangay han syudad an nagpartisipar, sportsfest sugad han basketball, volleyball men and volleyball women nga nahinabo ha CEO Gym.
Ha nakalabay nga napulo katuig, damo na an gin-agian hini nga syudad sugad Super Typhoon Yolanda dida han 2013 pero yana nakabangon na an syudad.
Mahihinumduman nga an Tacloban in nahimo nga HUC durante han syahan nga termino ni former Mayor Alfred Romualdez dida han December 18, 2008.
Photo by: Joseph Pasalo
