PNP Chief Marbil, nagcommand visit ha PRO8

PALO, LEYTE– “Ako ay natutuwa na binalikan ko ang unit kung asan po ako natuto na maging tunay na Pilipino”, ine an nagin mensahe ni Police General Rommel Francisco Marbil, ha iya pinaka-una nga command-visit ha bug-os nga Pilipinas nga ginbuhat ha Police Regional Office VIII, yana nga adlaw, April 23, 2024.

Mababaruan nga hi Marbil in nagserbi anay kumo Regional Director han PRO8 dida han tuig 2022 ngadto ha tuig 2023 ugsa natudlok kumo nangungulo han kabug-osan nga organisasyon han PNP.
Sumala kan Marbil, dako an nagin parte han mga kapulisan ha rehiyon nga nagbulig ha iya kumo magin usa nga lider.
“Itong mga tao natin really helped me to become one of the best,”dugang pa ni Marbil.
Ha iya pagbisita ha rehiyon, iya ginpangunahan an blessing han mga bag-o nga patrol cars, gate ngan building han Association of Police Officers through Lateral Entry (APOLE).
Hiya gihapon in nagkaada hin ‘Talk to Men’ kun diin hiya in naghatag hin mensahe ha mga kapulisan hiunong han iya mga polisiya, programa, ngan mga pitad nga makakabulig ha kabug-osan han PNP.