Davao City- Gipresenta sa 10th Infantry Division Philippine Army ang mga nahimong kalampusan sa padayong pagpuhag sa New People’s Army (NPA) sa ilang area of responsibility.
Matud ni 10th ID Commander MGen. Ernesto C. Torres sa interbyu sa DXDC RMN Davao, sukad Enero 2021, 605 ka mga NPA Terrorists ang naneutralisa lakip na ang 27 ka mga high ranking leaders lakip na ang mga front secretaries nga sila Reynante Mantos “alias Nante”, Secretary sa Weakened Guerilla Front 2 ug Danny Juit “alias Bosyong”, Secretary sa Sub Regional Committee 1 nga parehong napatay sa engkwentro niadtong Marso 2 ug Abril 26, 2021.
Subay niini, duha ka mga guerilla fronts ang na-dismantle ang Guerilla Front South, Guerilla Front North ug Pulang Bagani Command.
Gikonsiderang major breakthrough sa history sa EastMinCom ang pinakadakong arms cache nga nadiskubrehan sa tropa sa kasundaluhan ilawom sa 1002nd Brigade, diin 30 ka high-powered firearms nga gilangkuban sa Cal .30 machine gun, 17 ka mga M16 rifles,7 ka AK47 rifles, 4 ka M14 rifles, M203 Grenade Launcher ug upper receiver para M16 ug Carbine rifle sa Sitio Bagyang, Barangay Upper Suyan, Malapatan, Sarangani gikan November 11 hangtod 16, 2021.
Sumala ni Torres, dako ang iyahang pasalamat sa suporta sa Regional, Provincial
ug Municipal Task Forces aron makab-ot ang maong kalampusan batok New People’s Army.
RadyoMaN Aimee Guinita
