Davao City – Nagpasidaan ang kasundaluhan ngadto sa publiko nga dili dayon mutuo ugaling adunay mga madungog nga mga impormasyon nga kinahanglan mubakwit tungod sa military encampment.
Sumala ni 10th Infantry Division Philippine Army spokesperson Captain Jerry Lamosao atol sa AFP-PNP presscon nga padayon ang ilang pagpasabot ngadto sa komunidad ug kasundaluhan nga batasanon ang pagsuta sa impormasyon og tinuod ba kini or dili.
Subay kini sa nahitabong pagpamakwit sa kapin usa ka libo nga mga lumad tungod matud pa sa military encampment ug operations sa Lianga ug San Agustin sa Surigao del Sur niadtong July 16, 2018 apan giklaro sa kasundaluhan nga dili tinuod nga namakwit sila tungod sa military encampment.
Hinungdan nga hugot gipahimangnuan ang mga residente ilabi na ang anaa sa hilit nga mga lugar nga i-beripika ang impormasyon aron usab dili maapektuhan ang adlaw-adlaw nila nga panginabuhian.
RadyoMaN Renz Barbarona
