10th ID gikondena ang pag-unay og patay ni Mindanao Most Wanted NPA lider Eric Casilao sa iyang kauban

469
Davao City- Hugtanong gikondena sa 10th Infantry Division Philippine Army ang pag-unay og patay ni Top ranking New People’s Army (NPA) leader Eric Jun Casilao alias “Elian” sa kaubanan niining NPA rebel sa sa Purok 8, Libuton, Barangay Andap, New Bataan, Davao de Oro niadtong April 2022.

Gibutyag ni Captain Mark Tito, 10th ID spokesperson, nilusad og joint operation ang 66th Infantry Battalion ilawom ni Lieutenant Colonel Julius M Munar, New Bataan Municipal Police Station ug Municipal Disaster Response Team human sa rebelasyon ni Alias “Vina”, squad supply officer sa NPA kinsa nisurrender sa tropa sa gobyerno ang pagpatay ni Casilao sa ilang kaubanan nga si Crispin Rollon alias “Jeffrey”, 52 anyos ug gilubong kini sa nasangpit nga lugar.

Sumala pa tungod sa sobrang kagutom ni Jeffrey dili na kini makalakaw pa ug gikonsidera na kining perwisyo sa ilang sa pag-ikyas sa nagpadayong Focused-Military Operations sa kasundaluhan, gikulata ug gituok kini ni Casilao hangtod sa namatay ug gilubong sa Andap.

“Too lang unta sila sa amoang panawagan nga mu-surrender dili gyod unta ni mahitabo sa ilang kaubanan para lang mabuhi lang sila. Nanawagan usab kami sa ilaha nga mubalik na sa sabakan sa gobyerno para mamuhi na og malinawon ug dili na usab mahitabo ang ingon ani nga sila mismo didto sa sulod ang magpatay,” sumala ni Tito.

Gidala sa Alar Funeral Homes, Compostela, Davao de Oro ang patay’ng lawas niini ug matud sa asawa niapil kini sa kalihukan niadtong 2010.

RadyoMaN Aimee Guinita

Facebook Comments