Mandatory ROTC welcome sa DepEd XI

Davao City – Walay problema sa Department of Education (DepEd-XI) ugaling himuon man nga mandatory ang Reserve Officers’ Training Corps (ROTC) sa mga eskwelahan, karon nga gi-appoint ni presumptive President Ferdinand “Bongbong” Marcos Jr. si leading Vice-Presidential candidate, Sara Duterte-Carpio isip DepEd Secretary.

Sa interbyu sa DXDC RMN Davao kang Jenielito Atillo, tigpamaba sa DepEd-XI, gibutyag niini nga abli kanunay ang departamento sa mga programa nga angayan, makaayo ug mas ikalambo pa sa mga magtutudlo ilabina sa mga estudyante.

“There’s nothing wrong na man pud if you talk about programs like that (mandatory ROTC), because unang-una kanang ingon anang matang sa mga programa talks about focusing on nationalism, patriotism and teaching our children for the love of country, love of Filipinos,” sulti ni Atillo.

Gipasabot ni Atillo, ugaling iduso man ang paghimong mandatory sa ROTC, muagi usab kini saktong proseso.

Kahinumduman nga mandatory ang ROTC sa Pilipinas niadtong wala pa napasar ang Republic Act (RA) 9163 o ang National Service Training Program (NSTP) tuig 2001, nga naghimong optional ug voluntary sa training course sa mga estudyante sa kolehiyo.

RadyoMaN Kirby Manzon

Facebook Comments