Davao City – Midangop na karon ang 10th Infantry Division Philippine Army sa mga buhatan sa Deparment of Education 11 ug Commission on Higher Education aron pugngan ang mga militanteng pundok nga makasulod sa mga tulonghaan ug makarecruite og mga estudyante.
Kini ang gisulti ni 10th ID Spokesperson Jerry Lamosao nga nakig-alayon na sila karon sa DepEd 11 ug CHED 11 aron mabatangan sila sa pagmonitor sa mga tulonghaan nga target sudlan sa mga militante aron mang-agni sa mga estudyante nga muuban kanila sa lihok protesta.
Pagklaro pa ni Lamosao nga wala pa sila’y nadawat nga intelligence report ni namonitor nga naglunsad og halapad nga recruitment sa mga eskwelahan sa siyudad sa Dabaw ang mga makawalhong grupo apan buot lamang nila masiguro nga dili makalingla ang mga militante.
Hinoon pasidaan pa sa opisyal ngadto sa mga estudyante nga angay bantayan sa mga tulonghaan ug sa mga estudyante ang kining grupo nga League Students of the Philippines kun LFS nga sukad pa kaniadto hangtud karon dayag galihok sa mga tulonghaan sama sa University of the Philippines.
Ang gihimong lakang sa pamunuan sa 10TH ID subay kini sa gibulgar sa armadong kusog sa pilipinas kabahin sa massive recruitment sa mga militante sa CPP-NPA-NDFP sa dise otso ka mga tulonghaan kauluhang alang sa ilang ikasa nga ‘Red October plot’ batok kang Presidente Rodrigo Duterte.
RadyoMaN Joel Viray
