Iligan City- Kasong rape ang atubangon sa usa ka lolo human niya gilugos ang iyang kaugalingong apo nga menor de edad alas dose saudto kagahapong adlawa didto sa Barangay Rongongon ning dakbayan sa Iligan.
Ang suspek nailang si Arturo Jorigue 68 anyos ug mulopyo sa Purok Hanginan Sta. Cruz Barangay Rogongon ning dakbayan sa Iligan samtang ang biktima itago lang sa pangalang alyas Jane 11 anyos ug Grade 2 student.
Matud pa sa amahan niini , nga samtang nanikop daplin sa sapa ang biktima kauban ang iyang lolo ug iyang manghud, miuna ug uli ang manghud aron maniudto ug didto nakalugar ang maong apohan sa pag lugos sa maong menor de edad.
Nakita kini mismo sa igsuon sa biktima dihang mibalik kini sa suba aron sa pagtawag kanila sa pagpaniudto .
Giangkon usab sa maong suspetsado ang gihimo niining paglugos sa iyang menor de edad nga apo.
Kusganong mupasakaug kaso ang amahan sa biktima batok sa nasangpit nga suspetsado diin karon anaa nagtingkagol sa Police Station 3 sa Tag-ibo alang sa dugang imbestigasyon.
