11-anyos nga bata nabunggu-an sang truck patay

Halos nawasak ang lawas sang isa ka 11-anyos nga bata matapos nabungguan kag nalapakan sang isa ka Mitsubishi Canter sa Hda. Alegria, Barangay Cabahug, syudad sang Cadiz las 4:45 kaina sang hapon.

Ginkilala ang biktima sa kay Eugene Amante, 11-anyos, isa ka grade 4 pupil kag residente sang Barangay Tinampaan, syudad sang Cadiz.

Nakilala naman ang driver sang truck sa kay Alan Bordas, 36-anyos sang Purok Matinahuron, Barangay Tabao, Sagay City.


Nahibalu-an nga puno sang abono ang nasambit nga truck nga padulong kun tani sa syudad sang Sagay halin sa syudad sang Bacolod.

Suno sa imbestigasyon sang otoridad nga gulpi lang nagtabok ang bata sa tunga sang dalan kag ulihi na sang naka-preno ang driver sang truck.

Yara na sa kustodiya sang kapulisan ang driver sang truck.

Facebook Comments