General Santos City–Pursigidong mupasang-at ug kaso ang 11 anyos nga si alyas inday batok ngadto sa iyang ama-ama nga itago lang sa pangalang alias Jay-ar, human matud pa kining giamong-amongan sa nasampit kapin tuig na ang nakalabay.
Sumala ni Alias Inday nga buot niyang mahatagan ug hustisya ang nahitabo ngadto kaniya.
Nasayran nga gilugos sa suspek ang biktima niadtong Enero 2018 dihang tua pa kini nagpuyo sa Boarding house sa iyang inahan ug sa suspek sa baranagy City Heights.
Wala syay mahimo matud pa tungod siya gituonan ug kutsilyo sa liog mao nga wala gyud siya makapalag dihang siya gilugos sa suspek.
Dugang pagbutyag ni alias Inday nga human sa insidenti siya mibiya sa balay sa iyang inahan ug tua mipuyo sa balay sa iyang magulang.
Wala sya nakasumbong dayon tungod siya ginabaharan nga patyon apil ang iyang tibuok pamilya higayon nga siya musombong sa gibuhat kaniya sa suspek.
Nakahukom siya sa pagtug-an sa iyang magulang ug mga ginikanan ning bag-uhay lang tungod dili na kaya sa iyang konsensya nga taguon lang ang gihimo kaniya sa suspek.
