11 high powered firearms na-recover sa AFP sa NPA arms cache

Davao City – 11 ka mga high powered firearms gikan sa arms cache sa New People’s Army (NPA) ang nakuha sa militar gikan sa nagkadaiyang lokasyon pinaagi sa Simultaneous Joint Intelligence Operations sa 60th Infantry “Mediator” Battalion sa pagpanguna ni Acting Commander Lt. Col. Merrill Sumalinog ug 10th Infantry “Agila” Division, Philippine Army.

Sumala sa kasundaluhan, nakita sa Sitio Bagtok, Barangay Gupitan, Kapalong, Davao Del Norte ang upat ka M16 rifles, usa ka AK 47 rifle, ug usa ka lower receiver grenade launcher.

Samtang , duha ka M16 rifles ug usa ka M653 rifle sa Sitio Tagbalili, Barangay San Vicente, Loreto, Agusan Del Sur ug sa Sitio Bubujawon, Barangay Waloe, Loreto, Agusan Del Sur nasakmit usab ang 2 ka M16 rifles.

Mismong ang mga rebel returnees o kanhi miyembro sa Weakened Guerilla Front 3 (WGF3), Sub-Regional Committee 4 (SRC 4), Southern Mindanao Regional Committee (SMRC) nga ni-surrender sa 60IB ang nagtudlo sa militar sa nahimutangan sa mga high powered firearms.

Matud ni Sumalinog, ang maong kalampusan tungod sa pagtinabangay sa militar, Local Government Units ug mga stakeholders pinaagi sa paghatag og suporta sa misyon sa kasundaluhan aron sa hingpit ma-dismantle, ang Weakend Guerilla Front 3 sa NPA ilabina sa pagsegurong matunol ang tanang basic services ngadto sa far-flung communities aron mapugngan ang pagsulod sa mga terrorists groups.

RadyoMaN Aimee Guinita