Ginkumpirmar ni Surallah Mayor Antonio Bendita nga nakaquarantine sa subong ang 11 ka mga kapitan, duha ka councilors sa banwa kag duha ka mga bata sang nasambit nga mga konsehal, matapos nga nakaupod sa pagsinapol dire sa syudad si Koronadal City Vice Mayor Peter Miguel nga nagpositibo sa COVID-19.
Nagapati si Mayor Bendita nga may kahilabtanan sa politika ang nangin rason sa pagpatawag sang pagsinapol.
Samtang, suno sa alkalde nakaquarantine man sa subong ang mga purok leader sa Kiantay, Upper Sepaka tungod nagpadulong man sa nasambit nga lugar si Vice Mayor Peter Miguel, Governor Reynaldo Tamayo kag ang magpapili nga mayor, vice mayor kag konsehal sa banwa.
Dismayado naman si Mayor Bendita nga mismo ang opisyal man ang nagabayolar sa ginpapanaug nga executive order angot sa COVID-19.
