Sa report gikan sa Marilog PNP, nahitabo ang giingong food poisoning sa may Sitio Matigsalog, Barangay Marilog ug 5 ka kilometro ang distansiya gikan sa National Highway.
Una niini, usa ka tawag gikan sa Central 911 ang nadawat sa Presinto #12 mahitungod sa maong panghitabo, mao nga gilayon nagpadala og imbestigador sa hitaboan si Police Major Nelson Violan.
Sa inisyal nga imbistigasyon, bandang 7:30 kagabii, mikaon og spaghetti ang mga biktima, ug pipila ka minuto nakalabay kalit lang misakit ang ilang mga tiyan hinungdan gipangdala sila sa tambalanan.
Nasayran nga dinala sa usa ka Geraldine Bocuya nga taga-Mintal kinsa mibisita sa maong lugar, ang naasoy nga spaghetti.
Sa dugang impormasyon gikan sa Barangay Marilog, ang mga biktima gikatakdang dad-on sa Marahan District Hospital ning syudad.
RadyoMaN Joel Viray
