General Santos City–Mukabat ngadto sa 11 ka mga search warrant ang gi-served sa kapulisan sa duha ka mga purok sa Barangay Labangal ala 1:00 pasado ang takna sa kabuntagon kung diin target ang mga dili lisinsyadong pusil nga gikaingong gi-huptan sa mga target.
Sumala pa ni Police Chief Inspector Patrich Elma ang hepe sa Police Station 2 nga sa 11 ka mga search warrant usa lang ang nag positibo, nga mao ang panimalay sa usa ka Jeffrey Tabara nga nanimuyo sa Prk. Millennium Barangay Labangal.
Nakuha matud pa sa panimlay sa nasangpit ang usa ka shotgun ug mga bala ingon man kalibre 45 nga pistola.
Dugang pag butyag ni PCI Elma nga ayha gihimo ang pag implementa sa search warrant sa panimalay sa mga target aduna na silay gibuhat nga casing ug pag imbistiga ayha gi-applyan ug search warrant ngadto sa korte.
Posible matud pa nga naatlan lang gyud nga wala ang mga target sa ilahang mga panimalay sa dihang gipahigayon ang search operation hinungdan nga wala usab ang ilahang mga pusil.
Nasayran nga ang naghiusang pwersa sa City Mobile Patrol Company, City Intelligence Branch ug Police Station 2 ang nagpahigayon ug operasyon pinasikad sa search warrant nga gipakanaug sa sala ni Hon. Judge Dennis Velasco sa RTC Branch-23. (Dave Silagan)
