11 na ang patay sa 6.1 magnitude nga linog kahapon sa Luzon

138

MANILA – Naglab-ot na sa 11 ang patay matapos nga nag-igo ang 6.1 magnitude nga linog sa pila ka bahin sang Luzon, lunes Abril 22.

Suno kay Pampanga Governor Lilia Pineda, lima ang patay sa pagkarumpag sang isa ka building sa Porac, Pampanga kag nagdugang pa diri ang tatlo base sa record sang Provincial Disaster Risk Reduction and Management Office (PDRRMO) sini gid lamang nga aga.


Isa naman ka 56 anyos kag ang iya 7 anyos nga apo ang napatay matapos nga matabunan sang pader.

Samtang sa Zambales, patay naman ang 6 ka tuig nga bata matapos nga matabunan sang natabo nga landslide.

Ginalauman pa ang pagsaka sang mga casualties samtang nagapadayon ang rescue operation.

Prioridad subong sang rescue group ang mga biktima nga buhi pa.

Sa subong, ginpaidalom na sa state of calamity ang Porac sa Pampanga.




Suno sa Philippine Institute of Volcanology and Seismology (Phivolcs), na record ang sentro sang linog sa Castillejos, Zambales mga las 5:11 kahapon sang hapon.

Facebook Comments