Catarman, NORTHERN SAMAR – Ginpangunahan ni Presidente Rodrigo Duterte an panhatag hin assistance ha 15 nga New People’s Army (NPA) surrenderors ha Camp Juan Ponce Sumoroy, Brgy. Dalakit, Catarman, Northern Samar, kasangkulop.
Kaupod hi Special Assistant to the President (SAP) Christopher Lawrence “Bong” Go.
Matapos an presentation of surrenderors, gintikangan na an panhatag han cash assistance tikang ha Office of the President. Nakakarawat gihapon an mga anay NPA hin cash assistance tikang ha Department of Social Welfare and Development (DSWD).
Samtang, may makakarawat gihapon nga assistance an mga ini tikang ha Department of Interior and Local Government (DILG) kun mapailarom na hira ha pira nga ginkikinahanglan nga proseso. Tulo ha mga surrenderors an nakakarawat hin PHP85,000 assiatnce ngan 12 naman an nakakarawat hin PHP15,000.
Ginmanduan gihapon ni Duterte an Department of Agrarian Reform (DAR) nga pangunahan an pagturn-over han 2.5 hectares nga government lands ha kada surrenderors.
Ginsugo gihapon han Presidente nga tagan hin traktora ngan farm implements ngan buligan hira nga magmugna hin kooperatiba ha bulig han Landbank ngan mabulig daw gihapion dinhi an DILG.
Samtang, 11 naman nga sundalo an na-promote kay hi mismo presidente duterte an nag Donning Of Ranks ha mga promoted officers ngan enlisted personnel han 803rd Infantry Brigade.
Napulo naman nga sundalo an gintagan hin bronze cross medal ngan military merit awards.
