General Santos City—mukabat sa 11 ka mga personahe ang nasikop sa kapulisan human nanigarilyo samtang nagsuroy-suroy sa mga venue sa aktibidad atol sa Culmination day sa Tuna Festival.
Tanggong sa Police Station 1 ang 11 ka mga personahe human naaktuhan gyud sa kapulisan nga nanigarilyo luyo paman sa Anti-Smoking Ordinance sa syudad.
Rason sa pipila ka mga nadakpan nga wala sila masayod nga dunay Ordinansya ang syudad nga nagdili sa pagpanigarilyo sa mga pampublikong lugar. Samtang aduna usay uban nga sayod nang daan apan wala makapugong sa ilang kaugalingon nga manigarilyo. Sagad usab sa mga nangadakpan mga hubog.
Nakagawas usab ang pipila ka mga nasikop human nakabayad ug P2,500 nga multa. Alang usab sa wala makabayad ug walay kwartang ikabayad, mamahimong mapriso sulod sa usa ka adlaw o dili ba kaha mupailawom nalang sa Community Service sulod sa usa ka simana.
