Davao City – Gipangdemolish sa City Government of Davao ang 11 ka mga Small Town Lottery kon STL branches nga gitukod sa mga sidewalks.
Miaging semana pa lang gisugdan sa Ancillary Service Unit ang maong operasyon nga miresulta sa pagguba sa mga STL outlets sa may Puan, Obrero, Uyanguren ug Toril.
Matod ni ASU head Paul Bermejo, kini maoy mandato ni Mayor Inday Sara Duterte Carpio diin gidili ang pagbutang og unauthorized stalls sama sa STL outlets sa sidewalks, 100 meter radius gikan sa tulunghaan o bin ba kaha simbahan.
Matod niini nga daghan na kining nadawat nga reklamo kalabot sa mga violations sa mga STL operators.
Giklaro niini nga dili lang business permits gikan sa City Government of Davao ang gikinahanglan sa mga STL operators apan lakip na niini ang mga balaod sa syudad ilabi na ang lugar kung asa kini tukorun.
Ang syudad sa Davao striktong nagasunod sa 1/3-2/3 policy sa sidewalks diin ang 2/3 gitagana alang sa mga pedestrian.
RadyoMaN Abi Bibera
