Davao City – Dili lang sa mga kabalayan apan lakip sa mga bus ug van terminals ingon man sa mga malls manghatag og polio vaccines ang Health sector.
Kini human target sa Davao City Health Office (CHO) ang 110% coverage sa ikaduhang hugna sa Sabayang Patak Kontra Polio sa dakbayan nga mahinayon karong Nobyembre 25 hangtod Disyembre 7.
Sumala ni CHO-Technical Division Head Dr. Julinda Acosta, hatagan gihapon nila ang mga bata nga wala naka-avail sa Round 0 kaniadtong Oktubre 14-27, 2019.
Dugang ni Acosta nga apilon nila ang mga batang nag edad 5 anyos paubos nga dili taga Davao kinsa wala nabakunahan sa ilang mga munisipalidad ug siguraduhon nga walay bata ang dili maapil.
Gikanayon ni Acosta nga dili ingon ana ka taas ang immunity sa usa ka bata kung wala nabakunahan sa unang hugna sa vaccination.
Padayong gi-awhag usab ni Acosta ang mga ginikanan ug guardians nga pabakunahan ang ilang mga sakop.
“Gi-awhag ang mga ginikanan, guardians nga inyong mga anak ug apo, below 5 year old dapat makadawat sila og 2 drops of polio vaccines para ma protektahan ang ilang mga anak against poliomyelitis because we know that polio is travelling and circulating on our place,” matud niini.
Kahinumdoman nga nakakuha ang Davao og high rating sa unang bakuna kontra diin anaa kini sa 95.5% coverage.
RadyoMaN Jason Amisola
