Nagakantidad sa P1, 604,169.00 livelihood assistance ang ginrelease na sang Department of Labor and Employment ukon DOLE 12 sa Local Government Unit sang Banga.
Ginpangunahan mismo ni DOLE Regional Director 12 Raymundo Agravante ang awarding sang nasambit nga livelihood assistance sa LGU-Banga.
Nagalab-ot naman sa 110 ka mga benepisyaryo sa banwa sang Banga ang makabenipisyo sang nasambit nga livelihood assistance.
Ang mga nakabenepisyo sang nasambit nga ayuda ang mga self-employed nga kulang ang income, mga kababainhan, PWDs, parents/guardians sang mga child laborers, low-waged and seasonal workers, senior citizens, former rebels, displaced workers kag mga kabataan nga nagpasimpalad sa ginpili nga starter kit projects kapareho sang carpentry, electrical repair, welding services, vulcanizing, dressmaking, gardening, carenderia, kakanin production, balut, halo-halo vending kag iban pa.
