Arestado ang yara sa 110 ka mga wanted person kag apat naman ka drug personalities ang patay matapos nga nagbato, samtang yara naman sa 145 ka sachets sang druga kag 11 ka units sang armas luthang ang nakumpiskar sa ginpatigayon nga simultaneous police operations sang Police Regional Office 12.
Ini ang base sa consolidated police report halin Oktubre 9 tubtob 15 subong nga tuig sang PRO 12 paagi sa pagserbi sang search warrants, warrants of arrest, buy-bust operations kabahin sang kampanya sini sa mga nagkalain-lain nga criminal activities sa rehiyon.
Sa 145 ka sachets sang suspected shabu may kabug-aton ini nga 13.316 grams kag nagakantidad sa P 98,812.00 lakip man sa nakuha ang P500.00 nga kantidad sang marijuana.
Samtang sa 110 ka mga wanted persons nga naaresto, 53 dire ang most wanted, 41 ang arestado sa illegal gambling kag 15 ang arestado sa illegal drugs.
Nakuha man sa operasyon ang 11 ka units sang assorted firearms kag 123 ka assorted nga mga bala.
Ginpahayag naman ni PBGEN MICHAEL JOHN DUBRIA nga ang mga naaresto nga wanted person kag nakumpiskar nga illegal drugs ang daku nga factor nga matapna ang mga malain nga elemento.
