General Santos City–Mokabat sa 110 ka mga wanted person ang nadakpan samtang upat ka drug personalities ang patay human nga misukol sa otoridad atoll sa gipaigayon nga sunod sunod nga operasyon sa Rehiyon 12.
Gawas niini, mokabat usab sa 145 ka sachets sa iligal nga droga ug 11 ka units sa armas ang nakumpiska sa gipahigayong simultaneous police operations sa rehiyon.
Kini subay na usab sa consolidated police report gikan Oktubre 9 ngadto na sa Oktubre 15 karong tuiga sa PRO 12 pinaagi sa pagsilbi ug search warrants, warrants of arrest, buy-bust operations ug uban pang operasyon alayon sa kampanya sa managlahing kriminalidad sa region 12.
Ang 145 ka sachets sa suspected shabu nga na-rekober, mokabat sa gibug-aton nga 13.316 gramos nga gibana-banaang anaa sa P 98,812.00. Gawas niini aduna pay na-recover nga marijuana nga nagkantidad ug P500.00. Samtang sa 110 ka mga wanted persons nga naaresto, 53 niini ang most wanted, 41 ang arestado sa illegal gambling ug 15 ang arestado sa illegal drugs.
Nakuha usab sa operasyon ang 11 ka units nga mga assorted firearms ug 123 ka assorted nga mga bala. Gibutyag usab ni PBGEN MICHAEL JOHN DUBRIA nga ang mga naaresto nga wanted person ug nakumpiskar nga illegal drugs ang daku nga factor nga napakgang ang mga dautang elemento nga nagalikuhan sa Rehiyon.
