Davao City – Positibong nalugos ang 12 anyos nga grade 7 nga napalgang wala nay kinabuhi sa sa usa ka creek sa Barangay Sibulan, Toril ning syudad niadtong buntag sa Domingo, Disyembre 4, 2022.
Sa interbyu sa DXDC RMN Davao kang Police Major Catherine Dela Rey, Davao City Police Office spokesperson, base kini sa resulta sa autopsy nga gihimo sa Regional Crime Laboratory Office (RCLO) XI.
Nigula usab sa report nga asphyxia by manual strangulation and suffocation kun gituok ang gikamatay sa biktima.
Ang mga bun-og sa nagkadaiyang parte sa lawas, gasgas, bali nga bat-ang ug tiil sa biktima, giingong nisukol ug nidepensa pa kini sa iyang kaugalingon batok sa wala pa mailhang suspetsado.
Matud ni Dela Rey, nagpahigayon og reenactment ang kapulisan sa Eden sa krimen. Adunay person of interest nga ginasubay karon ang kapulisan sa maong insidente.
RadyoMaN Aimee Guinita
Facebook Comments
