P2.5M premyo sa mga mudaog sa Banda Dasig 2022

Davao City – Mobalor sa P2.5 million ang premyong madawat sa mga mananaog sa usa sa mga dakong kompetisyon sa Pasko Fiesta 2022 ang Banda Dasig 2022 Lighted Drum & Bugle, Drum and Lyre, Brass and Marching band competition and field demonstration karong Disyembre 18, 2022.

Matud ni Harold Quibete, event organizer sa Banda Dasig 2022, adunay duha ka mga kategorya ang kumpetisyon, ang open category alang sa mga high school, senior high school, college nga naggikan sa gawas sa dakbayan sa Davao.

Samtang, eksklusibo sa mga elementary schools sa syudad sa Davao ang Elementary Category.

Matud kang Quibete, mosumada sa 28 ka mga grupo na ang nakarehistro aron magtigi sa maong aktibidad, 14 ka mga partisipanteng grupo sa Elementary Category, samtang 14 usab sa Open Category.

Sa duha ka kategorya, ang Grand Champion modawat og P300,000.00, 2nd Place P200,000.00, 3rd Place P100,000.00, 4th Place P 75,000.00, 5th place P 50,000.00 ug tag-P30,000.00 ang consolation prizes.

Modawat usab og tag-P30,000 ang mudaog nga Best Conductor, Best Music ug Best Light.

RadyoMaN Aimee Guinita