12-anyos nga dalagita, gibayo sa tiyan ag ginhana nga himuslan

Kalibo, Aklan – Trauma ag kahadlok makaron rong ginabatyag it sangka 12-anyos nga dalagita matapos nga imaw ra hay ginbayo sa tiyan ag ginhana nga himuslan sa sangka barangay iya sa banwa it Kalibo.
Suno sa dalagita nga kahapon hay nag-adto imaw sa andang eskwelahan ag nagpaperma it clearance.
Naga pa udtro adlaw eon tag imaw nag nag guwa ag duhong sa may guard house, nakita nana rong eaeaki nga naka motor ag nagpangutana pa kana kung may tawo pa sa sueod kung sa siin gin sabat imaw biktima nga “hoo may tawo pa”.
Maangan angan pumanaw ro biktima pabalik agod mag adto sa principal’s office pero anang napan-uhan nga imaw ra hay ginsundan ko suspek.
Bangud udtro adlaw eon uwa it tawo ro principal’s office nag-adto eon lang imaw sa andang H.E. agod magkaon.
Sa pag-eaom nana nga nagpanaw eon rong suspek hay imaw nakibot tag uman nana makita nga una ta sa may lagoon it eskwelahan ro suspek.
Nagpanaw mat-a rong biktima pero ra uman nga ginsundan ag dinakop, ginbuytan sa may li-og ag ginhana nga patumbahon ag ginbayao sa tiyan.
Sa mayad nga swerte uwa maduea-i it alintro rong biktima ag raya naka singgit pero gingueamos ra baba. Tinimbanan man imaw it biktima ag inigo sa hita.
Sa kahadlok it suspek nga madakpan, anang ginbuhian rong biktima ag dayon nga nagdaeagan paeayo.
Sa makaron hay uwa gid makilaea it biktima rong suspek.
Nasayuran eamang raya ko anang nanay matapos nga gin impormahan man ko mga maestra.
Padayon pa rong imbestigasyon.

Facebook Comments