General Santos City—samdan ang 12 anyos nga lalaki human gidunggab sa grupo sa “Batang Sukarap” sa Purok Uhaw, Barangay Fatima, Gensan alas 6:30 ang takna kagabie, Pebrero 22, 2018.
Biktima itago lang sa pangalang Alias Tom, 12, residenti sa nasangpit nga lugar. Sa inisyal nga imbistigasyon nasuta nga gisugo sa amahan ang biktima nga mupalit ug tubig, apan siya natripan sa grupo sa mga Sukarap ug gidunggab tulo ka higayon igo sa iyang likod nga bahin.
Nakadagan pa ang biktima ug nakapangayog tabang sa iyang mga kabanay mao nga nadala gilayon sa ospital.
Samtang mga suspek paspas nga misibat sa wala sayring lugar. Sa karon ang kapulisan nga sakop sa Police Station 7 naghimo mag makuting imbistigasyon kalabutan sa insidenti samtang ang biktima nagpaalim pa sa iyang samad dinunggaban sa Dr. Jorge Royeca Hospital.
