CAUAYAN CITY — LABINGDALAWANG INDIBIDWAL ANG NAARESTO SA TATLONG MAGKAKAHIWALAY NA OPERASYON NG PULISYA SA CAGAYAN SA UNANG ARAW NG DISYEMBRE, BILANG BAHAGI NG PINAIGTING NA KAMPANYA LABAN SA ILEGAL NA PAGSUSUGAL.
SA APARRI, APAT NA SUSPEK ANG NAAKTUHAN NG APARRI POLICE STATION HABANG NAGLALARO NG MAHJONG SA BRGY. SAN ANTONIO MATAPOS ANG TIP MULA SA ISANG INFORMANT.
NASAMSAM ANG MAHJONG TILES, DICE, AT TAYANG P709. SA SANCHEZ MIRA, TATLONG BABAE ANG NAHULI SA SITIO PUKEL, BRGY. CALLUNGAN MATAPOS ANG ULAT MULA SA ISANG CONCERNED CITIZEN. NAREKOBER ANG 55 PIRASONG PLAYING CARDS AT P578 NA TAYA.
PINAGSANIB NA PWERSA NAMAN NG BAGGAO PS, 1ST CAGAYAN PMFC, AT RMFB2 ANG NAGPATUPAD NG SEARCH WARRANT SA BRGY. POBLACION, BAGGAO, KUNG SAAN ANIM NA KATAO ANG NAAKTUHAN SA ISA PANG MAHJONG SESSION.
NAKUHA ANG MAHJONG SET, DICE, IBA’T IBANG GAMIT, AT P2,905 NA TAYA. ISA PANG SUSPEK NA SI DANNY ANG MABILIS NA TUMAKAS.
SINALAYSAY NG MGA OPISYAL ANG MAAYOS NA PAGSAKSI AT PAG-IMBENTARYO SA MGA EBIDENSIYA BAGO DALHIN ANG MGA SUSPEK SA HIMPILAN PARA SA KASONG PAGLABAG SA PD 1602.
