Davao City – Giandam na sa Digos PNP ang mga dokumentos aron ma-inquest ugmang adlawa ang naarestong membro sa New People’s Army (NPA).
Atol sa gikasang manhunt operation gisilbi sa kapulisan ang 12 ka mga warrant of arrest batok kang Joey Eblamo kinsa nasikop sa kapulisan niadtong Disyembre 23 sa may Chapter 6, Brgy. Aplaya, Digos City,Davao del Sur.
Ang suspek nag-atubang og kasong may kalapasan sa RA 9851 (1 War Crime), 6 Counts Murder, Double Attempted Murder, 2 Counts Attempted Murder, Robbery ug Malicious Mischief.
Sa interbyu sa RMN Davao kang Digos PNP station commander PSUPT Deozar Almasa nga ang suspek maoy squad leader sa Guerilla Front 51 sa New People’s Army.
Matud ni Almasa laing kaso ang madugang sa suspetsado human nga nakuhaan kini’g usa ka M33 fragmentation grenade.
Gipahugtan ni Almasa ang seguridad sulod sa selda human nga gikonsidera kining high risk inmate.
RadyoMaN Aimee Gunita
