Davao City – Moabot sa dose ka oras nga walay supply sa tubig ang mga konsumante nga giserbisyuhan sa Line 2 Dumoy Water Supply System karong adlawng Biyernes, July 20, 2018.
Sa gipagulang pahimangno sa Davao City Water District kun DCWD, magsugod ang walay supply sa tubig alas 9 sa gabii, July 20, 2018 ug kutob pa alas 9 sa buntag, adlawng Sabado diin maapektuhan niini ang wala nga bahin sa C.P. Garcia Highway, Dragon Compound, Sta. Teresita Village, St. Jude Buhangin, Sison Subd., Sand Village, Carpio Subd., Villa Park Subd., ug St. John Subd.
Samtang hinay ngadto sa walay agas ang masinati sa mga konsumante sa tuo nga bahin sa C.P. Garcia Highway, Emi Ville Homes, Landmark Village III, Tierra Verde Village, Portville, Crystal Meadows, Bel-air Homes Subd., La Verna Hills Subd., Victoria Heights, Lea Subd., Vincent Heights, Roseville Subd. Phase I, NHA Buhangin, Mt. Carmel Village, Ciudad De Esperanza (Dumoy connections), Bahay Pag-ibig Subd., Mutual Homes Kasaganaan Phase II, Mango Hills, Camp Catitipan, Empress Subd., Vista Verde Subd. I and II, San Juan Village, Tierra Nino Village, F. Bangoy International Airport, and Diho Subd. I ug II.
Sumala sa DCWD nga tungod kini sa pagatrabahuong pipeline aron makasupply og tubig sa NCCC Mall sa Km. 6 Tigatto Road, Buhangin ning syudad.
Apan matud pa nga mamahimong mabalik gilayon ang supply sa tubig og walay mutumaw nga mga problema atol sa pagtrabaho.
Alang sa dugang mga pangutana, mamahimong mutawag lang sa DCWD’s 24-hour hotline 297-3293.
RadyoMaN Renz Barbarona
