12 ka mga barangaya sa Negros Occidental drug cleared na

10

Gindeklarar nga drug-free ang 29 ka mga barangay sa Western Visayas lakip na ang 12 sa Negros Occidental sa ginpatigayon nga ika-24 nga Regional Oversight Committee meeting nakaligad nga Miyerkules, Pebrero 17 sa probinsya sang Iloilo.

Nalakip sa mga drug-free sa probinsya amo ang Barangay Pantao sa banwa sang Calatrava; Barangay Basak sa banwa sang Cauayan; Barangay Damgo sa banwa sang EB Magalona kag Barangay Camba-og sa banwa sang Hinigaran.


Drug-cleared man ang Barangay 1 Poblacion sa banwa sang Hinoba-an; Barangay Buenavista sa ciudad sang Himamaylan; Barangay Banog-banog sa banwa sang Isabela; Barangay Andulauan sa banwa sang Ilog, Barangay Puey sa ciudad sang Sagay; Barangay Kapitan Ramon sa ciudad sang Silay; Barangay Zone 7 sa ciudad sang Talisay kag Barangay 15-A sa ciudad sang Victorias.

Ginpresentar kag gindepensahan sang mga barangay representatives kag local government units ang ila nga application bilang compliance sa Barangay Drug Clearing Program nga mandato sa idaluym sang Dangerous Drugs Board.

Sa isa ka statement ginpahayag sang Philippine Drug Enforcement Agency – Western Visayas nga magapadayon ang ila nga pag-collaborate kag pag-monitor sa ila mga counterparts agud magdamo pa ang mga barangay nga mahilway sa iligal nga droga.

[image: image.png]




Facebook Comments